KFA Non Residential football Coaching lolhingtah a khumkha hita*

.*KFA Non Residential football Coaching lolhingtah a khumkha hita*


*🗞GN || Friday, 02 Feb.2018*
~~~~~~~~~~~~~~~~~~~~~~~~~~

*KFA Non Residential football Coaching lolhingtah a khumkha hita*

*Written by Kaybie Chongloi*
*Translated by Google*



January nisim 23 nia ana kipan Kuki Football Academy (KFA) tohgon na noija hapta ni tobang D. Phaihel vangkho a anachelha under -13 boys non-residential football coaching chu tuni jinglam chun lolhing tah in khumkha anahitai.


KFA in Non-residential Football Coaching agon hi namsunga football langa chapang ho grassroot level a semding ti lunggel aneina bahkai khat ahi.


Chapang 120 val pan na a Non-residential Football Coaching anache lhah sungchun Mohagany Football Academy, Chennai, Tamil Nadu ten trial abol u toh akitoh khan hiche coaching a jao chapang 12 in selection amun, amaho chenghi final selection adia Chennai mun ajot diu ahitai.


Hiche hi KFA a tohga so masaloi khat hiding ahitai.


KFA President, Thangminlen Kipgen in tujingkah a football coaching khumkha na kin a chapang ho atilkhouna'a, nalungtup lolhingtah a molsona theidin nangma cheh a kitahsan na neijun lang, thohhat nahi ompho phatah bangin neijun chutile nikhat le kimitso na a nahin neidingu ahi ati.


KFA hi nam adia football lam'a dokhang khatna neiding kiti ahijeh in nam mipi kithokhom angaijin, eima eima hitheina lamcheh a ihung kitho to phat ule nam khangthah chapang hon international level geija kisemdohna le mitdohna a ahin neithei diu ahi ati.

Source:- Kanggui Post

~~~~~~~~~~~~~~~~~~~~~~~~~~